Wednesday, May 29, 2013

Manasu tadi aaraneeku book review by Sri Atluri (posted in Pustakam.net)

మనసు తడి ఆరనీకు – ఓం ప్రకాష్ నారాయణ వడ్డి కథలు

 వ్యాసకర్త: శ్రీ అట్లూరి
*******
సినీ జర్నలిస్ట్ గా, కార్టూనిస్ట్ గా అన్నిటికి మించి హ్యూమనిస్ట్ గా మనకి పరిచయం ఉన్న ఓం ప్రకాష్ గారిని మనకి మరింత చేరువ చేసే కథలు ఈ మనసు తడి ఆరనీకు కథల పుస్తకం . దీంట్లో మొత్తం ఇరవై మూడు కథలు, రెండు ముందు మాటలు, రెండు పరిచయ వ్యాసాలు ఉన్నాయి.
ఓం ప్రకాష్ గారికి మన దేశం అన్నా మన సంస్కృతి అన్నా బోలెడు ప్రేమ. అలాగే స్త్రీ జన పక్షపాతి. కథల్లో ఆడవాళ్ళ మీద ప్రేమ, అభిమానం, గౌవరవము మెండుగా కనపడతాయి.
మొదటి కథ నాణానికి రెండో వైపు కథ మగవారికి భుజాలు తడుముకునేలా అనిపిస్తుంది, అలాగే రెండో కథ దిల్ హాయ్ తో – బస్ అమ్మాయిలు పరాయి రాష్ట్రంలో భాష తెలీకపోయినా ఎలా పాలల్లో చెక్కర లాగ ఇమిడి పోతారో తెలియ చెప్పడమే కాక మనందరిది ఒకటే భాష ఒకటే దేశం అన్నది స్పష్టంగా బలంగా చెప్పే కథ. మంచి కథ.
మూడో కథ అమ్మ అమ్ముడు పోలేదు. ఇది నిజం అమ్మ ఎప్పటికి అమ్ముడు పోదు. ప్రతి ఒక్కరికి తాము కట్టుకున్న ఇంటిమీద ఉండే మమకారం, ప్రేమ, అనుబంధం ఆవిష్కరించే కథ. ఇది చాల మంది ఇళ్ళల్లో జరిగే కథ. సొంత ఇల్లు అమ్మవలసి వచ్చిన ప్రతి వారికి ఉండే వ్యథ. ఇల్లు అంటే పేర్చిన ఇటుకలు కాదు పేర్చిన జ్ఞాపకాలు అని చెప్పే కథ.
నాలుగో కథ దారి తప్పిన కోయిలా..రా ఇలా, ఐదో కథ అత్మావలోకనం .. ఈ రెండు కథల్లో దాదాపుగా కథ ఒక రకమైన కథే. మొదటి కథలో విదేశి వ్యామోహాన్ని వదిలి మరదలి గీతోపదేశంతో దేశానికి వచ్చి దేశసేవ చేసే రాము. రెండో కథలో గ్రామం నుంచి వచ్చి పట్టణంలో బాగా సంపాదించి, అన్నివదిలి గ్రామానికి తరలి వెళ్ళాలి అనుకున్న సుధాకర్ కథ.
ఆరో కథ జాలి కోల్పోయిన మనిషి ఒక మనిషి తన కుటుంబాన్ని నిర్లక్ష్యం చేసి చివరి రోజుల్లో ఆసరా కోసం వెతకడం ఈ కథ. ఇది చదువుతుంటే నాకు ఒక రకంగా కొండపల్లి సీతారామయ్య గారి సంగతి గురుతుకు వచ్చింది కొన్ని తేడాలు ఉన్నప్పటికీ కూడా.
ఏడో కథ కోరిక, ఎనిమిదో కథ రేపటి పౌరుడు సమాజం పట్ల మన బాధ్యత గుర్తు చేసే కథలు. రెండు కథల్లో కూడా కథ రైలు ప్రయాణంతో ముడి పడి ఉన్నాయి. కొంచం తేడాతో సమాజానికి మనవంతు ప్రయత్నంగా ఏం చెయ్యగలమో చెప్పే కథలు రెండు కూడా.
తొమ్మిదో కథ ఓ కోకిల పునరాగమనం. ఈ కథలలో నాకు నచ్చని కథ ఇది ఒక్కటే. ఈ కథ లో ఓంకార్ మార్గరెట్ అన్న కన్వర్ట్ డ్ క్రిస్టియన్ అమ్మాయిని ప్రేమిస్తాడు. కాని తండ్రి కి హిందూ మతం మీద ఉన్న ప్రేమ, భక్తీ గమనించి మార్గరెట్ తో ప్రేమ కి స్వస్తి చెప్పాలనుకుంటున్న సమయం లో ఆ అమ్మాయి హిందువు గా మారడం తో పెళ్లి కి సిద్ధం అవుతాడు. చాల కారణాల వల్ల ఈ కథ నాకు నచ్చలెదు. ఇది ఇంకా maturity తో వ్రాయవచ్చు ఏమో అనిపించింది.
పదో కథ అంతర్నేత్రం, పదకొండో కథ సత్యం బ్రూయాత్. అంతర్నేత్రం కళ్ళు ఉండి మనం రోజు చాల వరకు చూసి కూడా చూడనట్టు గా వెళ్ళే వారి పైన చెంప పెట్టు లాంటి కథ. కళ్ళు లేని ఒక మామూలు లాటరి టిక్కట్లు అమ్ముకునే ఆతను మనకి మన జ్ఞానచక్షువులు తెరుచుకునేలా చేసిన కథ. సత్యం బ్రుయాత్ కథ మన కుటుంబం పై మనకి ఉన్న బాధ్యత గుర్తు చేసే కథ.
నేస్తం నాకంతే కావాలి కథ లో సుచిత్ర ని చూస్తే ముచ్చట వేస్తుంది తప్పకుండా. పెళ్లి చేసుకుంటా అన్న బావని నిన్ను స్నేహితుడిగా మాత్రమే చూసాను అన్న సుచిత్ర నిజంగా అభినందనీయురాలు. అలాగే నాకంటితో చూడు, స్వేచ్ఛ కథలు అమ్మాయిల వైపు నుంచి ఆలోచించే కథలు. వారి దృష్టి కోణం నుంచి చూసి కథ రాయడం నిజం ఒక రకంగా కత్తి మీద సామే. దాంట్లో రచయిత సఫలీకృతుడు అయ్యారు.
సీతాపతికి జ్ఞానోదయం అయ్యింది, మార్నింగ్ వాక్, నిన్న మొన్న లా లేదురా కథలు కాలక్షేపం కథలు అయినా మధ్య తరగతి మనస్తత్వాన్ని ఆవిష్కరించే కథలు. క్షమయా ధరిత్రి కథ మన అందరి అమ్మల కథ, ఇంటింటి కథ. మంచి కథ. మనకీ అనుభవం చాలదా కథ ఇప్పటి విద్యావ్యవస్థ మీదా, మధ్య తరగతి వాసులకి పిల్లల చదువుల పైన ఉండే అతి శ్రద్ధ వారిని ఎలా తయారుచేస్తోంది అన్నదాని మీద, మనం మరచిపోతున్న సంబందభాంధవ్యాల మీద కథ.
మనసు తడి ఆరనీకు కథ కొంచం ఒక రకంగా సినిమా జర్నలిస్ట్ ల అందరి కథే అనుకోవచ్చు ఏమో. దగ్గరగా ఆ తళుకులు చూసి మోసపోవడం సహజం. దానికి సమాధానమే ఈ కథ. అలాగే మనలో ఒకడు కాడు, మనవాడే నా కథలు కూడా మంచి కథలే.
రచయిత కి రాముడు అంటే ప్రేమ, కథల్లో చాలా వాటిల్లో నాయకుడు రఘురాముడే. కథల్లో కొన్ని ఆలోచింప చేస్తే, కొన్ని మనసుని తట్టి లేపుతాయి. అనవసరమైన వర్ణన లేదు. కుదిరితే తప్పక చదవండి. కినిగే లో లభ్యం.

Wednesday, May 15, 2013

Tadakha movie review




మాస్ హీరోగా తడాఖా చూపేందుకు నాగచైతన్య తహతహ!


మిళంలో ఘన విజయం సాధించిన చిత్రం ‘వైట్టై’! దీనిని మొదట తెలుగులో అనువదించాలనుకున్నారు  ప్రముఖ నిర్మాత బెల్లంకొండ సురేశ్ . అయితే తెలుగు నేటివిటీకి తగ్గట్టుగా కాస్త మార్పులూ చేర్పులూ చేసిరీ-మేక్ చేస్తే బాగుంటుందన్న ఆలోచన కలగడంతో అందుకు సిద్ధపడి, ‘తడాఖాగా తెలుగులో పునర్ నిర్మించారువిశేషం ఏమంటే… రీ-మేక్ కోసం బెల్లంకొండ ఎంచుకున్న టీమ్ ను చూస్తే విచిత్రంగా అనిపిస్తుంది. ‘దడ’, ‘బెజవాడ’ చిత్రాల పరాజయంతో రేస్ లో వెనకబడిన నాగచైతన్య ఇందులో హీరో. ‘మిస్టర్ పెళ్ళికొడుకు’ తో హిట్ కొడతాడని భావించినాకొట్టలేకపోయిన సునీల్ రెండో హీరోఇక అప్పుడెప్పుడో ‘కొంచెం ఇష్టం కొంచెం కష్టం’ సినిమాతో డైరెక్టర్ గా మెగాఫోన్ పట్టిన కిశోర్ కుమార్ (డాలీదర్శకుడుఈ ముగ్గురి కాంబినేషన్ కు ఏ రకంగానూ క్రేజ్ అనేది లేదుఅయితే వరుస విజయాలు సాధిస్తూకథానాయికగా అగ్రస్థానం వైపు దీసుకెళుతున్న తమన్నా ఒక్కతే కాస్త ఊరటపైగా నాగ చైతన్యతమన్నా కలిసి గతంలో హండ్రెండ్ పర్సంట్ లవ్’ అనే ఓ హిట్ మూవీ చేశారు కాబట్టి.  ఆ చెట్టు పేరు చెప్పి కాయలు అమ్ముకోవచ్చని నిర్మాత బెల్లంకొండ సురేశ్ భావించి వుండొచ్చు.
మొత్తం మీద కాస్త ఆలస్యంగా అయినా… ‘తడాఖా’ మూవీ ప్రేక్షకుల ముందుకు వచ్చేసిందిపోలీస్ అధికారి నాగబాబుకు ఇద్దరు కొడుకులు పెద్దవాడు సునీల్పరమ భయస్తుడురెండోవాడు నాగ చైతన్య యమా యాక్టివ్చిన్నకొడుకు చురుకైన వాడు కావడంతో అతని గురించి తండ్రికి ఏ బెంగాలేదుపెద్దోడు ఎలా పెరుగుతాడన్నదే ఆయన భయంఅనుకోకుండా హార్ట్ ఎటాక్ తో నాగబాబు చనిపోతాడుఇక అన్నయ్య బాధ్యతను కూడా తమ్ముడే భుజం మీద వేసుకుంటాడుతండ్రి సర్వీస్ లో చనిపోయాడు కాబట్టి పెద్ద కొడుకుగా సునీల్ కు పోలీస్ ఉద్యోగం వస్తుందినిజానికి అతని మనస్తత్వానికి ఏమాత్రం సరిపడని ఉద్యోగం అదిఅయినా తమ్ముడు బలవంతం చేయడంతో సరే అంటాడుపోస్టింగ్ తీసుకుని ఉద్యోగంలో జాయిన్ అయిపోతాడుఅక్కడి నుండే అసలు కథ మొదలువుతుందిఅతనికి పోస్టింగ్ వచ్చిన చోట రౌడీలదే రాజ్యంవాళ్లు చెప్పిందే న్యాయం, చేసిందే చట్టంసునీల్ రాకతో అక్కడ రౌడీయిజానికి ఫుల్ స్టాప్ పడుతుందిప్రజలలో పోలీసుల పట్ల గౌరవంనమ్మకం పెరుగుతాయి.
ప్రతి చిన్న విషయానికీ భయపడే సునీల్ రౌడీలకు ఎలా చెక్ చెప్పాడుసునీల్ చూపిన ‘తడాఖా’ వెనక తమ్ముడి    పాత్ర ఏమిటి?  అన్నదమ్ములు కలిసి ఆడిన నాటకం ఎప్పుడు, ఎలా బైట పడిందిదానిని తిరిగి వీరిద్దరూ ఎలా ఎదుర్కొన్నారుఅన్నదే మిగతా కథ!
ఖాకీ డ్రస్ లో ఉండి అన్న చేయాల్సిన డ్యూటీనిఆ డ్రస్ వేసుకోకుండానే తమ్ముడు చేయడమే ఈ సినిమాలోని ప్రధానమైన అంశంఅయితే ఆ విషయం తెలుసుకున్న తర్వాత రౌడీలు వీళ్ళకు ఎలా చెక్ చెప్పారు అనే అంశం మాత్రం పూర్తిగా తేలిపోయిందితమిళంలో లింగుస్వామి ఈ తరహా కథలను తయారు చేయడంలో దిట్టకానీ ఈ సారి ఆ ఆట రంజుగా సాగలేదుతమిళంలో నటీనటులకు ఉన్న ఇమేజ్ కారణంగా అక్కడ బాగా ఆడి ఉండొచ్చు కానీతెలుగులో మాత్రం సినిమా చతికిలబడిపోయిందిప్రతి సన్నివేశాన్ని అవసరమైన మేరకు భారీగా తీసినా, ఓ ఏదో అసంతృప్తి థియటర్ లో కూర్చున్న ప్రేక్షకుడికి కలుగుతుందిముఖ్యంగా నాగబాబు పెద్ద కొడుకుగా సునీల్ ను ఊహించుకోగలంకానీ సునీల్నాగచైతన్య లను అన్నదమ్ములుగా పక్క పక్క చూడటం కష్టంగా అనిపిస్తుందిసగం సినిమా గడిచినా ఆయా పాత్రలలో వారిని ఊహించుకోలేంఇక సునీల్ ధైర్య సాహసాలు గురించి విని, పెళ్ళి చేసుకున్న ఆడ్రియాకు నిజం ఎలా తెలిసింది, ఆమె దానిని ఎలా జీర్ణించుకుంది అనేది దర్శకుడు సరిగా ఎస్టాబ్లిష్ చేయలేదునాగచైతన్య, తమన్నా లవ్ ట్రాక్ సైతం ఎబ్బెట్టుగా ఉందిఎన్ ఆర్ ఐ గా వచ్చిన వెన్నెల కిషోర్ పై చిత్రీకరించిన సన్నివేశాలన్నీ పాతచింతకాయ పచ్చడేతమన్ బాణీలు సోసో గానే ఉన్నాయి. అయితే నేపథ్య సంగీతం మాత్రం సూపర్ప్రతి చిన్న అంశానికీ ప్రాధాన్యం ఇచ్చారునటీనటుల నటన గురించి చెప్పుకోవడానికి ఏం లేదు విలన్ల చేతిలో దెబ్బలు తిన్న డమ్మీ పోలీస్ నిజం పోలీస్ గా మారిన క్రమాన్ని హత్తుకునేలా చూపించలేకపోయారుఅలానే సిక్స్ ప్యాక్ బాడీ ఉన్న సునీల్ ను క్లయిమాక్స్ లో సరిగా ఉపయోగించుకోలేదుబహుశా నాగచైతన్యను డామినేట్ చేస్తాడనే భయమేమో తెలియదుచివరగా సినిమా థియేటర్ నుండి బయటకు వస్తుంటే ప్రేక్షకులకు ఏ భావన కలగదు.  రెండున్నర గంటల సేపు చూసిన సినిమాలోని  ఏ ఒక్క సన్నివేశమూ మళ్ళీ తలుచుకోవాలని పించదువెళ్ళాం.. చూశాం… వచ్చాం అనే అనిపిస్తుంది. నాగచైతన్య లవర్ బోయ్ మాత్రమే కాదు… ఫైట్స్ కూడా చేయగలడు అని నిరూపించడానికి చేసిన ప్రయత్నమే ‘తడాఖా’ తప్పితే ఇందులో ప్రత్యేకత ఏమీ లేదు.