ప్రముఖ నటుడు కమల్ హాసన్ తనయి శ్రుతి హాసన్ ఇటీవల ఓ కొత్త రికార్డును నెలకొల్పింది. ఒకే పేరుతో వచ్చిన రెండు సినిమాలలో ఆమె నాయికగా నటించింది. హిందీలో వచ్చిన 'రామయ్యా వస్తావయ్యా' (ఇది తెలుగు సినిమా 'నువ్వొస్తానంటే నేనొద్దంటానా' కు రీమేక్) కాగా, మరొకటి తెలుగులో ఎన్టీయార్ హీరోగా దిల్ రాజు నిర్మించిన 'రామయ్యా వస్తావయ్యా'. కథలు వేరైనా టైటిల్ మాత్రం ఒక్కటే! ఈ రెండు సినిమాలలోనూ శ్రుతి నటిస్తోందనగానే అందరూ 'ఆహా...' అనుకున్నారు. అదో రికార్డ్ అయితే... ఒకదాని వెనుక ఒకటిగా వచ్చిన ఈ రెండు సినిమాలూ బాక్సాఫీస్ దగ్గర బోల్తా కొట్టడం మరో రికార్డ్! ఏదేమైనా తండ్రి కమల్ మాదిరే శ్రుతి జయాపజయాల్లోనూ తనదైన శైలి కనబరుస్తోంది!
No comments:
Post a Comment